Soljóðandi tíðindaskriv er í morgun komið frá nýstovnaða felagnum, ið nevnir seg Felagið Ríkisfelagsskapurin:
Á fundi í Keypmannahavn millum føroyingar, grønlendingar og danir er "Felagið Ríkisfelagsskapurin" stovnaður við tí endamáli at varðveita og styrkja ríkisfelagsskapin - til gagns og gleði fyri komandi ættarlið.
Harvið hevur ein nýggj, fólkslig rørsla sæð dagsins ljós júst í einari tíð, har ið Ríkisfelagsskapurin er undir trýsti.
- Vit siga klárt og greitt "ja" til ríkisfelagsskapin, tí vit eru sannførd um, at Grønland, Føroyar og Danmark eisini frameftir eiga at samstarva og vera saman, og tí at vit halda, at hesin felagsskapur, ið vit hava kent í øldir, er hitt rætta grundarlagið fyri einum nýggjum, fruktabærum og javnbjóðis samstarvi, sigur Nauja Lynge, ið er stigtakari og formaður í nýggja felagnum.
Á fólksligari grund
- Ríkisfelagsskapurin skal ikki vera fyri tey fáu men heldur ein fólkslig rørsla, hvørs styrki eru familjubond og næra sambandið millum føroyingar, grønlendingar og danir.
- Tí fara vit at brúka alla megi fyri at tryggja samanhaldið millum fólkini og londini, sigur Nauja Lynge.
Øll, ið taka undir við viðtøkum felagsins, eru vælkomin at tekna seg sum limir. Lesið alt - á bæði grønlendskum, donskum og føroyskum - um viðtøkur, nevndarsamanseting og endamálsorðing á heimasíðuni www.foreningen-rigsfaellesskabet.com.
Hesi eru í nevndini í Felagnum Ríkisfelagsskapurin: Nauja Lynge, Jairus Lyberth, Martine Lynge Lyngesen, Nikolaj Olsvig, Edmund Joensen og Morten Larsen.
Ein loysn frá Sendistovuni