03. mars 2020
Tóra T. Bærentsen hevur verið í starvsvenjing hjá Sambandsflokkinum á Fólkatingi. Hon setti sær fyri at kanna, hvussu danskir fólkaskúlanæmingar kunnu fáa størri vitan um Ríkisfelagsskapin. Hon hevur verið runt í Fólkatinginum og spurt politikarar um júst hetta - og teir vóru fúsir at svara, sum sæst í filmsbrotinum.
Tóra T. Bærentsen er føroysk, men uppvaksin í Danmark. Hon veit tí, at fleiri fólkaskúlanæmingar í Danmark vita ov lítið um Føroyar og Ríkisfelagsskapin sum heild.
Hon setti sær tí fyri at spyrja fólkatingslimir, hvussu tey meta, at Føroyar og Ríkisfelagsskapurin kann koma at fylla meira í undirvísingini í donsku fólkaskúlunum.
Fólkatingslimirnir vóru sera áhugaðir í at tosa við Tóru T. Bærentsen um hesi viðurskifti, og í filmsbrotinum hoyra vit Bjørn Brandenborg frá danska Javnaðarflokkinum, Katarinu Ammitzbøll frá Konservativa flokkinum, Søren Espersen frá Danska Fólkaflokkinum, Bertel Haarder frá Vinstra og Edmund Joensen frá Sambandsflokkinum.
Ein loysn frá Sendistovuni