Bárður á Steig Nielsen afturvaldur og Anna Falkenberg næstforkvinna í Sambandsflokkinum

Bárður á Steig Nielsen var einasta valevni til formanssessin hjá Sambandsflokkinum.

Anna Falkenberg bleiv vald til næstforkvinnu á landsfundinum. Hon stillaði upp til sessin móti Helga Abrahamsen, og ein meiriluti atkvøddi fyri Annu Falkenberg, og tískil fær flokkurin eina nýggja næstforkvinnu.  

- Eg eri fegin um stuðulin, eg havi fingið á landsfundinum. Helgi Abrahamsen hevur røkt sessin væl, og eg ætli mær at halda fram við góða arbeiðnum, sum millum annað snýr seg um at fyrireika flokkin til komandi fólkatings- og løgtingsval, sigur Anna Falkenberg.